ភ្នំពេញ៖ តម្លៃប្រេងសាំងធម្មតាលក់រាយនៅលើទីផ្សារកម្ពុជាបានចុះចំនួន ៥០រៀល ដែលមានតម្លៃ ៥២៥០រៀលក្នុងមួយលីត្រ ខណៈសាំងម៉ាស៊ូតនៅបន្តតម្លៃដដែលមានតម្លៃ ៥៣០០រៀលក្នុងមួយលីត្រ។
យោងតាមសេចក្ដីជូនដំណឹងចុះថ្ងៃទី១ ខែមេសានេះ ក្រសួងពាណិជ្ជកម្មឱ្យដឹងថាតម្លៃប្រេងនេះនឹងអនុវត្តលក់ពីថ្ងៃទី១ រហូតដល់ថ្ងៃទី១០ ខែមេសា ឆ្នាំ២០២២។
ក្រសួងពាណិជ្ជកម្មបញ្ជាក់ថា ការកំណត់តម្លៃប្រេងសាំងនៅកម្ពុជាគឺត្រូវបានកំណត់តាមទីផ្សារអន្តរជាតិប៉ុណ្ណោះ។
អ្វីដែលជាការកត់សម្គាល់នោះគឺតម្លៃនេះបានបង្ហាញនូវការចុះថ្លៃប្រេងសាំងធម្មតាបន្តិចជាលើកដំបូងបន្ទាប់ពីឡើងជាបន្តបន្ទាប់តាំងពីខែមករាឆ្នាំ២០២២មក៕
ព័ត៌មានជាច្រើនទៀតសម្រាប់អ្នក
